泳兒到無綫電視城出席《2014勁歌金曲優秀選第一回》直播。自稱只是「少少性感」的她，身穿低胸露腰裝上陣，並透露之前一天試衫時，造型師極力推介這套衣服，她指初時覺得有點太性感，但因造型師落力說服，泳兒才決定挑戰：「近期嘅極限嚟架喇！」她又指為望落更瘦，更特意跑完步才出席活動：「着呢件衫有難度，又要企得直，又要縮肚，又要安全措施。」
早前泳兒為大陸歌唱節目《我為歌狂》第二季獻唱，屬「女神隊」的泳兒，當晚獲得最高票數，擊敗同場的李佳薇，對此，泳兒表示：「去到嘅時候，我就話最唔想排第三出去，因為好緊張架嘛，我係希望速戰速決！」她又表示沒想過會贏：「我覺得佢真係唱得好好，佢有名叫鐵肺！」以陳奕迅名曲《浮誇》參賽的泳兒，指自己已有八年沒唱過該首歌，並指七月會繼續為節目進行拍攝：「都幾大壓力，因為呢個show應該係咁多個歌唱比賽裏面，唱得最多歌嘅一個，因為每一集都要唱三隻歌。」她又笑言為搵「女神衫」非常頭痕，要物色之餘，更要與隊友夾衫。轉自
【on.cc東網專訊】
Search